اسلام آباد (مانیٹرنگ ڈیسک) حافظ آباد میں وزیراعلیٰ عثمان بزدار نے ڈی ایچ کیو ہسپتال کادورہ کیا، ایک نجی ٹی وی چینل کی رپورٹ کے مطابق ان کے دورہ کے موقع پر ہسپتال کی ایمرجنسی بند کر دی گئی، عبدالعلیم خان بھی ان کے ہمراہ تھے، مریضوں کو بھی ایمرجنسی میں جانے سے روک دیا گیا، رپورٹ کے مطابق وزیراعلیٰ پنجاب عثمان بزدار کے موقع پر ڈسٹرکٹ ہیڈ کوارٹر ہسپتال کو مکمل طور پر سیل
کر دیا گیا اور لوگوں کو وزیراعلیٰ سے دور کر دیاگیا، جس کی وجہ سے مریضوں کو شدید پریشانی کا سامنا کرنا پڑا، ڈی ایچ کیو میں بیڈز کی کمی رہتی ہے لیکن وزیراعلیٰ کے دورہ کے موقع پر بیڈ خالی کر دیے گئے، جب وزیراعلیٰ نے پوچھا تو ہسپتال کی انتظامیہ نے بتایاکہ آج ہی تمام مریضوں کو ڈسچارج کیاگیا ہے، مریضوں کے علاوہ عام لوگوں کو بھی وزیراعلیٰ عثمان بزدار سے دور رکھاگیا۔
