لاہور(آئی این پی) تحریک انصاف نے وفاق کے بعد پنجاب میں بھی اپوزیشن کے سامنے گھٹنے ٹیکنے پر مجبور ہوگئی ‘ اپوزیشن لیڈر پنجاب اسمبلی حمزہ شہباز کو پبلک اکاونٹس کمیٹی کا چیئرمین بنانے کا فیصلہ کر لیا‘پنجاب اسمبلی کے اگلے اجلاس میں پی اے سی سمیت تمام قائمہ کمیٹیوں کی تشکیل ہو جائے گی‘ وزیر قانون راجہ بشارت اس حوالے سے جلد حمزہ شہباز شریف سے رابطہ بھی کریں گے۔ذرائع کے مطابق پنجاب حکومت نے ’’کچھ لو
اور کچھ دو‘ کے فارمولے پر حمزہ شہباز کو چےئر مین شپ دینے پر رضامندی کا اظہار کیا۔ ذرائع نے بتایا کہ اس معاملے پر صوبائی وزیر قانون راجہ بشارت صوبائی کابینہ کو اعتماد میں لینے میں کامیاب ہو گئے ہیں وزیر قانون نے سات جنوری سے قبل ہی یہ معاملات طے کرنے کی کوششوں کا آغاز رکھا ہے۔ حکومت اپوزیشن سے پبلک اکاونٹس کمیٹی کی چیئرمین شپ کے بدلے میں قائمہ کمیٹیوں کی تشکیل اور قانون سازی میں معاونت کر یں گی۔
