اسلام آباد (نیوز ڈیسک)الیکشن کمیشن نے پاکستان پیپلز پارٹی کے شریک چیئرمین اور سابق صدر آصف زرداری کی نااہلی سے متعلق درخواست ابتدائی سماعت کیلئے مقرر کردی۔ذرائع کے مطابق ابتدائی سماعت میں آصف زرداری کے خلاف درخواست کے قابل سماعت ہونے یا نہ ہونے سے متعلق فیصلہ کیا جائے گا۔ذرائع نے بتایا کہ الیکشن کمیشن نے تحریک انصاف کے رہنما
خرم شیر زمان کو ابتدائی سماعت کیلئے نوٹس جاری کردیا۔سابق صدر کے خلاف نااہلی کی درخواست پر ابتدائی سماعت آئندہ ہفتے ہونے کا امکان ہے۔خیال رہے کہ 20 دسمبر کو پاکستان تحریک انصاف کے رہنما خرم شیر زمان نے آصف علی زرداری کو نااہل قرار دینے کیلئے صوبائی الیکشن کمیشن سندھ میں درخواست جمع کروائی تھی اس حوالے سے بتایا گیا تھا کہ صوبائی الیکشن کمیشن نے درخواست وصول کرنے سے انکار تاہم پھر اصرار پر درخواست وصول کرلی۔صوبائی الیکشن کمیشن نے موقف اختیار کیا کہ کارروائی صرف الیکشن کمیشن اسلام آباد ہی کرسکتا ہے۔درخواست جمع کرانے کے بعد میڈیا سے گفتگو میں خرم شیر زمان نے دعویٰ کیا تھا کہ ہم نے ثبوت کے ساتھ درخواست جمع کروائی کہ پاکستان سے پیسے کیسے اور کہاں کہاں بھیجے گئے اور وفاقی تحقیقاتی ادارہ (ایف آئی اے) بیرون ملک جائیداد کی تحقیقات کرے۔صوبائی الیکشن کمیشن نے موقف اختیار کیا کہ کارروائی صرف الیکشن کمیشن اسلام آباد ہی کرسکتا ہے۔درخواست جمع کرانے کے بعد میڈیا سے گفتگو میں خرم شیر زمان نے دعویٰ کیا تھا کہ ہم نے ثبوت کے ساتھ درخواست جمع کروائی کہ پاکستان سے پیسے کیسے اور کہاں کہاں بھیجے گئے اور وفاقی تحقیقاتی ادارہ (ایف آئی اے) بیرون ملک جائیداد کی تحقیقات کرےپی ٹی آئی کے رہنما کے مطابق آصف علی زرداری نیویارک میں جائیداد کے مالک ہیں تاہم انہوں نے الیکشن گوشوارے میں امریکا کی جائیداد ظاہر نہیں کی۔انہوں نے الیکشن کمیشن سے مطالبہ کیا تھا کہ آصف علی زرداری صادق اور امین نہیں رہے اس لیے انہیں ان کی انتخابی نشست سے نااہل قرار دیں۔
