اسلام آباد (مانیٹرنگ ڈیسک) نواز شریف کیخلاف العزیزیہ اور فلیگ شپ ریفرنسز کا فیصلہ اب سے کچھ دیر بعد سنایا جائے گا جس کیلئے تمام تر تیاریاں مکمل کر لی گئی ہیں۔لیگی کارکنان کی بڑی تعداد بھی عدالت کے باہر جمع ہو چکی ہے جبکہ صحافیوں کی بڑی تعداد بھی وہاں موجود ہے جن میں سے کچھ عدالت داخلے کی اجازت نہ ملنے پر سراپا احتجاج ہیں۔
نجی ٹی وی کے مطابق پولیس نے صحافیوں کو روکنے کی کوشش کی تو ایک صحافی پولیس کے دھکوں کی زد میں آ کر ہوش و حواس کھو بیٹھا جسے ساتھی صحافیوں نے اپنے طور پر طبی امداد دینے کی کوشش کی۔ صحافی برادری اس واقعے پر سراپا احتجاج ہے۔ صحافی کی ویڈیو سوشل میڈیا پر وائرل ہو گئی ہے جس پر ملا جلا ردعمل سامنے آ رہا ہے۔
