اسلام آباد (این این آئی)اسلام آباد کی احتساب عدالت کی طرف سے العزیزیہ سٹیل ملز ریفرنس اور فلیگ شپ انویسٹمنٹ ریفرنس میں خلاف فیصلہ آنے کی صورت میں سابق وزیراعظم نوازشریف کو ممکنہ طورپر اڈیالہ جیل منتقل کیا جائیگا اس سلسلے میں جیل انتظامیہ نے اپنی تیاری مکمل کر لی ہے ٗ جیل میں صفائی بھی کر ادی گئی ۔ ذرائع کے
مطابق سابق وزیراعظم نوازشریف کے خلاف فیصلہ آنے کی صورت میں اڈیالہ جیل انتظامیہ نے بھی تیاری کر لی ہے اور اس سلسلے میں جیل کی سکیورٹی بھی بڑھا دی گئی ہے ۔ سابق وزیر اعظم نوازشریف جیل کے اس حصے میں رکھا جائیگا جہاں گزشتہ عدالت کے فیصلے کی روشنی میں گرفتار ی کے بعد رکھا گیا تھا ۔
