اسلام آباد (این این آئی) پاکستان پیپلز پارٹی کے رہنما سید خورشید شاہ نے کہاہے کہ ریاست مدینہ کا نام لینا اور عمل نہ کر نا یہ کتنا بڑا جرم ہے ؟ پاکستان میں جو آج کل ہورہاہے ایسا ریاست میں مدینہ میں تو نہیں تھا ٗ مولانا طارق جمیل کی بہت عزت کرتا ہوں ٗ پہلی بار انہوں نے سیاست پر بات کی ہے ۔ نجی ٹی وی کو دیئے گئے انٹرویو میں ایک سوال پر سید خورشید شاہ نے کہاکہ اس کو صرف سیاست کیلئے یہ تو نہیں کہناہے کہ ریاست مدینہ کی طرح چلنا ہے۔ انہوں

نے کہاکہ مولانا طارق جمیل کی بہت عزت کرتا ہوں اور انہوں نے پہلی بار سیاست پر بات کی ہے ۔انہوں نے کہاکہ ریاست مدینہ میں یہ نہیں تھا جو آج کل پاکستان میں ہورہاہے ۔ سید خورشید شاہ نے سوال کیا کہ ریاست مدینہ کا نام لینا اور عمل نہ کر نا یہ کتنا بڑا جرم ہے ؟ اس کا جواب مولانا طارق جمیل دیں ۔ایک اورسوال پر سید خورشید شاہ نے کہاکہ وزیر اعظم عمران خان کی پارٹی اور ان کے لوگ ریاست مدینہ کا نعرہ لگاتے ہیں وہ اس پر عمل بھی کریں۔

موضوعات:سید خورشید شاہ