لاہور (مانیٹرنگ ڈیسک) وزیراعلیٰ پنجاب سردار عثمان بزدار نے کہا ہے کہ گاڑیوں کی رجسٹریشن بک ختم کرکے سمارٹ کارڈ متعارف کروا رہے ہیں‘ پنجاب میں سمارٹ کارڈ کی رجسٹریشن فیس 520 روپے ہوگی‘ نہ کوئی غیر قانونی کام ہوگا اور نہ ہی کسی کو کرنے دیں گے۔ وہ منگل کو میڈیا سے گفتگو کررہے تھے۔ انہوں نے کہا کہ گاڑیوں کی رجسٹریشن کارڈ سے جعل سازی کا خاتمہ ہوسکے گا۔ گاڑیوں کی

رجسٹریشن بک ختم کرکے سمارٹ کارڈ متعارف کروا رہے ہیں۔ ہر گاری کی رجسٹریشن سمارٹ کارڈ کے ذریعے ہوگی عوام کی سہولت کی خاطر اس اقدام کا اجراء کیا ہے سردار عثمان بزدار نے کہا کہ اسلام آباد میں اس کارڈ کی قیمت پندرہ سو روپے ہے جبکہ کراچی میں سات سو اور پنجاب میں پانچ سو بیس روپے ہوگی۔ کوئی غیر قانونی کام نہ ہوگا اور نہ ہی ہم کسی کو کرنے دیں گے۔ ہم حکومتی اداروں کو مضبوط کریں گے۔

موضوعات:عثمان بزدار گاڑی رجسٹریشن سمارٹ کارڈ