اسلام آباد(مانیٹرنگ ڈیسک)مریم اورنگزیب نے کئی گاڑیاں اور گھر بنا رکھے ہیں، مریم اورنگزیب کے خلاف انکوائری نہیں جانچ پڑتال کی جا رہی ہے، ترجمان ن لیگ کے خلاف شکایات کی تفصیلات آج جاری کی جائینگی، نیب نے اہم اعلان کر دیا۔ تفصیلات کے مطابق نیب نے مسلم لیگ ن کی ترجمان اور سابق وزیر اطلاعات و نشریات مریم اورنگزیب کے خلاف شکایات کی تفصیلات آج جاری کرنے کا اعلان کیا ہے۔ نیب ترجمان کے مطابق مریم اورنگزیب نے کئی

گاڑیاں اور گھربنا رکھے ہیں، نیب ترجمان کا کہنا ہے کہ مریم اورنگزیب کے خلاف انکوائری نہیں بلکہ جانچ پڑتال کی جا رہی ہے۔ واضح رہے کہ گزشتہ روز نیب کی جانب سے کہا گیا تھا کہ اس نے مریم اورنگزیب کے اثاثوں کی چھان بین شروع کر دی ہے ، ان کے خلاف نیب کو شکایت موصول ہوئی تھی ۔ نیب نے شکایت کنندہ کا نام نیب قوانین کے مطابق صیغہ راز میں رکھنے کا اعلان کیا تھا۔خیال رہے نیب گزشتہ روز خواجہ سعد رفیق کو گرفتار کرچکا ہے ۔

موضوعات:مریم اورنگزیب نیب