اسلام آباد(مانیٹرنگ ڈیسک)گورنر ہائوس پنجاب کی دیواریں کیوں گرانا چاہتا ہوں؟ وزیراعظم عمران خان نے چیف جسٹس اور سپریم کورٹ کے ججز کے سامنےکیا وجہ بتا دی؟ ۔ تفصیلات کے مطابق اسلام آباد میں پاکستان میں بڑھتی ہوئی آباد ی پر فوری توجہ کے حوالے سے ایک سمپوزیم کا انعقاد کیا گیا جس میںچیف جسٹس اور سپریم کورٹ کے ججز کے ساتھ وفاقی وزرا ، وزرائے اعلیٰ اور صحافیوں سمیت جید علمائے کرام کی بڑی تعداد شریک ہے۔ وزیراعظم عمران خان نے سمپوزیم سے
خطاب کرتے ہوئے کہا کہ میں نے لاہور کو سرسبز و شاداب دیکھا ہے، راوی صاف ، شفاف بہتا دیکھا ہے۔ اب شہر کنکریٹ میں تبدیل ہو چکا ہے اور کہیں سبزہ نظر نہیں آتا ۔ گورنر ہائوس پنجاب کی دیواریں توڑنے کے پیچھے میرا مقصد یہی تھا کہ لوگ گورنر ہائوس میں موجود باغات اور سبزے کو دیکھیں۔ وزیراعظم نے کہا کہ سب چیزیں ماحولیاتی تبدیلی سے جڑی ہوئی ہیں، آبادی میں اضافہ ، درخت، آلودگی، پانی کی قلت، پانی کی آلودگی یہ سب چیزیں ایک دوسرے سے کنیکٹ ہیں۔
