پشاور(این این آئی) مسلم لیگ (ن) خیبرپختونخوا کے صدر سابق مشیر وزیراعظم انجینئر امیرمقام نے کہاہے کہ عوامی ورکرزپارٹی کے چیئرمین اورسماجی رہنماء فانوس گجرنے ہمیشہ متوسط طبقے کے حقوق کے حصول کیلئے بغیروسائل دن رات محنت کی،انکی وفات سے صرف ایک برادری نہیں بلکہ پورقوم کوناقابل تلافی نقصان پہنچاہے۔ان خیالات کااظہارانہوں نے فانوس گجرکی نمازجنازہ اداکرنے کے بعد ذرائع ابلاغ کے نمائندوں سے بات چیت کرتے ہوئے کیا۔میڈیانمائندوں کیساتھ گفتگوکرتے ہوئے انجینئرامیرمقام نے کہاکہ
عمران خان نے 100دن مرغیوں اورانڈوں کے سوچ بچھار گزاردیئے عوام الناس کے فلاح وبہبوداورملک کی ترقی کیلئے عمران خان کے پاس وقت نہیں۔انہوں نے کہاکہ ایک کروڑ نوکریاں، 50لاکھ گھر سمیت دیگروعدے مرغیوں اورانڈوں پرختم ہوگئے،100بعدیہ حال ہے اللہ تعالیٰ خیرکرے360دن بعدملک کاکیاحال ہوگا۔انجینئرامیرمقام نے اللہ تعالیٰ کے حضوردعاکی کہ اللہ تعالیٰ مرحوم کواپنے جواررحمت میں جگہ دے اورپسماندہ خاندان کویہ ناقابل تلافی صدمہ صبرواستقامت سے برداشت کرنے کی توفیق عطاکرے۔
