اسلام آباد (نیوز ڈیسک) معروف صحافی حامد میر نے اپنے کالم کرتارپور سے آگے میں وزیراعظم عمران خان اور نوجوت سنگھ سدھو کی کرتار پور راہداری بنانے میں محنت کا ذکر کیا ہے، انہوں نے اپنے کالم میں لکھا کہ وزیراعظم عمران خان کے اس عمل سے دنیا بھر میں سکھ برادری بہت زیادہ خوش ہے، معروف صحافی نے لکھا کہ برطانیہ میں رہنے والے سکھوں نے پیشکش کی ہے کہ اگر پاکستان
میں کسی ڈیم کا نام گورونانک سے موسوم کر دیا جائے تو وہ اس ڈیم کے لیے تمام رقم کا بندوبست کر دیں گے، انہوں نے لکھا کہ اپوزیشن کی ایک اہم شخصیت نے آف دی ریکارڈ مجھے بتایا کہ کرتار پور امن راہداری سے صرف سکھوں کو نہیں بلکہ اہل پاکستان کو بھی بہت فائدہ پہنچے گا کیونکہ پاکستان میں سکھ یاتریوں کی آمد و رفت میں اضافے سے پاکستان کی معیشت کو بہت سہارا ملے گا۔
