لاہور ( این این آئی) پنجاب میں خاتون خودکش بمبار کے داخلے کی اطلاع پر سکیورٹی ہائی الرٹ کرنے کے احکامات جاری کر دیئے گئے ۔ آئی جی پنجاب نے اسپیشل برانچ اور سی ٹی ڈی سمیت تمام سکیورٹی اداروں کو مراسلہ جاری کیا ہے جس میں پنجاب بھر میں سکیورٹی ہائی الرٹ کرنے کا حکم جاری کیا گیا ہے۔مراسلہ کے مطابق کالعدم بے ایل اے کی خاتون خودکش بمبار

کراچی میں چینی قونصل خانے کی طرح حملہ کرسکتی ہے لہٰذا حساس تنصیبات سمیت حساس عمارتوں پر سکیورٹی کے فول پروف اقدامات کیے جائیں۔واضح رہے کہ گزشتہ ہفتے کلفٹن میں پولیس اور سکیورٹی اہل کاروں نے چینی قونصل خانے پر حملے کا منصوبہ ناکام بناتے ہوئے 3 دہشت گردوں کو ہلاک جبکہ دہشت گردوں کی فائرنگ سے 2اہل کار اور2شہری شہید ہوگئے تھے۔

موضوعات:سکیورٹی ہائی الرٹ