اسلام آباد (این این آئی)عوامی نیشنل پارٹی کی سینیٹر ستارہ ایاز نے کہا ہے کہ حکومت نے اپنے سو روزکے حوالے سے تقریب میں دعوت نہیں دی ٗ عمران خان اپنے آپ کو پی ٹی آئی کا نہیں ملک کا وزیر اعظم تصور کریں ۔ میڈیا سے گفتگوانہوں نے کہاکہ وزیر اعظم عمران خان اپنے آپ کو اب بھی پی ٹی آئی کا وزیر اعظم سمجھتا ہے۔
انہوں نے کہا کہ عمران خان کو اب اپنے آپ کو ملک کا وزیر اعظم تصور کر ناچاہیے ۔ انہوں نے کہاکہ اپوزیشن پارٹیوں کی حکومت کے پانچ سال پورے ہونے کے بیانات کے باوجود حکومت سو دنوں میں عام لوگوں کیلئے کچھ نہ کر سکی۔ انہوں نے کہا کہ وعدے تو بہت کئے گئے لیکن عملی طورپر کوئی قدم نہیں اٹھا یا ۔
