اسلام آباد (مانیٹرنگ ڈیسک)نیب کی کارروائیاں، لوٹی گئی ملکی دولت واپس آنے لگی، ملتان میٹرو بس منصوبے میں کرپشن سے لوٹی گئی رقم واپسی کیلئے چھ میں سے تین کمپنیوں نے چیئرمین نیب کو درخواست دیدی۔ تفصیلات کے مطابق ملتان میٹرو بس منصوبہ کی چھ کمپنیوں میں سے تین کمپنیوں نے کرپشن اور مالی بدعنوانی کے ذریعے لوٹی ہوئی دولت واپس کرنے بارے درخواست چیئرمین نیب کودیدی ہے۔ نیب اعلامیہ کے

مطابق نیب ملتان معاملے کی تحقیقات کرنے میں مصروف ہے اور اب تک کی گئی تحقیقات میں مثبت پیش رفت ہوئی ہے۔منصوبہ میں مبینہ طور پر دو ارب 20 کروڑ روپے کی کرپشن ہوئی تھی۔جبکہ اس حوالے سے میٹرو بس منصوبہ کیلئے خریدی گئی زمین اور منصوبہ میں زر ترسیل کے تمام مراحل کی تحقیقات کرلی گئی ہیں جس کی رپورٹ چیئرمین نیب کو جلد ہی ارسال کر دی جائیگی۔