کراچی ( آئی این پی ) حکومت سندھ کے ترجمان مرتضیٰ وہاب نے کہا ہے کہ خیبر پختونخوا میں ملنے والے جعلی بینک اکاؤنٹس کس کے ہیں ، خیبرپختونخوا میں اربوں روپے کے جعلی اکاؤنٹس پر پی ٹی آئی کی خاموشی معنی خیز ہے ، فیاض الحسن چوہان کی تربیت جہاں ہوئی وہ ان کی زبان سے عیاں ہے ، انہوں نے عوام سے بہت بڑے بڑے وعدے کر رکھے ہیں ان کو چاہیے اپوزیشن کو ٹارگٹ کرنے کی بجائے اپنے کام پر توجہ دیں۔ بدھ کو وزیر اطلاعات پنجاب فیاض الحسن چوہان کے سابق صدر آصف زرداری
کو چور اور ڈاکو قرار دینے سے متعلق بیان پر ردعمل دیتے ہوئے ترجمان سندھ حکومت نے کہا کہ عمران خان خود سامنے نہیں آرہے ۔ وزراء کو گیڈر بھپکیاں دینے پر لگا رکھا ہے ۔ فیاض الحسن چوہان کی تربیت جہاں ہوئی وہ ان کی زبان سے عیاں ہے ،مرتضیٰ وہاب نے کہا کہ خیبر پختونخوا میں ملنے والے جعلی بینک اکاؤنٹس کس کے ہیں ۔ خیبرپختونخوا میں اربوں روپے کے جعلی اکاؤنٹس پر پی ٹی آئی کی خاموشی معنی خیز ہے ۔وہاں کے ہسپتالوں پر چیف جسٹس نے جو کہا وہ عمران نیازی پر چارج شیٹ ہے ۔
