لاہور(مانیٹرنگ ڈیسک) جمعیت علما اسلام (ف)کے سربراہ مولانا فضل الرحمن نے کراچی کے بعد لاہورمیں بھی تحفظ ناموس رسالت کے حوالے سے ملین مارچ کی تیاریاں تیزکردی ہیں ، ملین مارچ کو کامیاب بنانے کے لئے 14 نومبرکو جماعت اسلامی کے مرکزمنصورہ میں دینی جماعتوں کی آل پارٹیزکانفرنس طلب کی گئی ہے۔آل پارٹیزکانفرنس میں شرکت کے لیے متحدہ مجلس عمل میں شامل جماعتوں ، ملی یکجہتی کونسل ، دینی مدارس ، مذہبی جماعتو ں ، سول سوسائٹی اوروکلا کو
دعوت نامے بھیجے گئے ہیں ۔اے پی سی کی میزبانی مولانا فضل الرحمن اورسینٹرسراج الحق کریں گے۔ ملین مارچ اوراے پی سی میں شرکت کیلئے مولانا فضل الرحمن 13 نومبرکولاہورپہنچیں گے اور دو دن یہاں قیام کریں گے، اے پی سی میں ملین مارچ کوکامیاب بنانے سمیت آسیہ مسیح کیس کے حوالے سے دینی جماعتوں کی طرف سے مشترکہ لائحہ عمل کا اعلان کیا جائیگا، ملین مارچ کے حوالے انتظامی کمیٹیاں پہلے ہی تشکیل دی جاچکی ہیں، ملین مارچ 15 نومبرکومال روڈلاہورپرہوگا۔
