اسلام آباد(مانیٹرنگ ڈیسک)سپریم کورٹ کی جانب سے آسیہ بی بی کی بریت کے فیصلے کیخلاف ملک بھر میں مظاہرے جاری ہیں۔ پنجاب کے مختلف شہروں سے مشتعل مظاہرین کی جانب سے دکانیں لوٹنے کی خبریں بھی موصول ہو رہی ہیں۔ سوشل میڈیا پر کئی ایسی ویڈیوز بھی وائرل ہوئیں جن میں دکانوں کے مالکان نے
مشتعل مظاہرین کے جانب سے ہلہ بولنے اور لوٹ مارکرنے کی شکایت کی اور کہا کہ دکانوں میں موجود سامان کی توڑ پھوڑ بھی کی گئی ہے جس سے ہمارا کافی نقصان ہوا ہے۔جبکہ دکانوں میں موجود کیش بھی اپنے ساتھ لے گئے۔ واضح رہے کہ گزشتہ روز راولپنڈی ،اسلام آباد ،گوجرانوالہ میں موبائل سروس بھی معطل رہی ۔
