کوئٹہ ( آئی این پی ) سینیٹ آف پاکستان کے زیراہتمام حکومت بلوچستان کے اشتراک سے ایشیئن پارلیمنٹری اسمبلی کی کمیٹی برائے پولیٹیکل افیئرز کی تین روزہ کانفرنس کل گوادر میں انعقاد ہوگا ،29اکتوبر سے شروع ہونے والی ایشیئن پارلیمنٹری اسمبلی کی کانفرنس میں 26ممالک کے 100سے زائد مندوبین شریک ہوں گے جبکہ انٹرنیشنل پارلیمنٹری یونین اور ایشیئن پارلیمنٹری سیکریٹریٹ کے نمائندے بھی سیمینار میں شرکت کریں گے۔

سیمینار کے انعقاد کیلئے صوبائی حکومت نے سینٹ آف پاکستان کو بھرپور معاونت فراہم کی ہے، سیمینار کا موضوع امن اور ترقی ہے اور اس کا انعقاد ایک تاریخی پیشرفت ہے جس سے گوادر کی جغرافیائی اہمیت بین الاقوامی سطح پر اجاگر ہوگی اور شریک ممالک کے درمیان معاشی تعاون کو فروغ ملے گا، بین الاقوامی کانفرنس گوادر پورٹ کے ذریعے خطے میں تجارتی ومعاشی سرگرمیوں کے فروغ کی بنیاد ثابت ہوگی۔