لاہور(این این آئی،آن لائن) چیف جسٹس لاہور ہائی کور ٹ جسٹس انوار الحق نے سرکاری گاڑی اور موبائل واپس کردیا ۔ چیف جسٹس لاہور ہائی کور ٹ نے سادگی کی نئی مثال قائم کرتے ہوئے پنجاب حکومت کی جانب سے پروٹوکول کو میں دی جانے والی سرکاری مرسڈیز اور موبائل فون واپس کردیا ۔واضح رہے کہ ہائیکورٹ کے سنیئر ترین جج جسٹس محمد انوارالحق لاہور ہائیکورٹ کے 49 ویں چیف جسٹس ہیں۔ جسٹس محمد انوارالحق یکم جنوری 1957 کو جہلم کے علاقہ میں پیدا ہوئے۔ ابتدائی تعلیم مقامی
تعلیمی اداروں اور ایم اے ایل ایل بی کی ڈگری پنجاب یونیورسٹی سے حاصل کی۔ جسٹس محمد انوارالحق پنجاب بار کونسل سے گیارہ نومبر 1981 میں بطور وکیل انرول ہوئے ۔ 11دسمبر 1983 کو بطور وکیل لاہورہائیکورٹ جبکہ 2003ء میں سپریم کورٹ میں وکالت کے لئے انرولمنٹ ہوئی۔ آپ نے 1983 میں جہلم سے وکالت کی پریکٹس کا آغاز کیا۔ جسٹس محمد انوارالحق جج بننےسے قبل 1986 سے 1992 تک پبلک پراسیکیوٹر بھی رہے۔ 1992 سے 1997 تک ہیومن رائٹس کمیشن آف پاکستان کے ممبر رہے۔
