لاہور (آن لائن) وزیر اعلیٰ پنجاب سردار عثمان بزدار نے کہا ہے کہ ما لی مشکلات ضرور ہیں لیکن عوام پر بوجھ نہیں ڈالیں گے۔پاکستان تحریک انصاف کی پہلی صوبائی حکومت نے مشکل حالات کے باوجود بہترین بجٹ پیش کیاہے اور ارکان اسمبلی نے بجٹ اجلاس کے دوران مثالی اتحاد کا مظاہرہ کیا اور پارلیمانی روایات کو برقرار رکھا۔

وزیراعلیٰ پنجاب سردار عثمان بزدار آج پنجاب اسمبلی میں رواں مالی سال 2018-19کا بجٹ منظورہونے کے بعد خطاب کررہے تھے ۔وزیر اعلیٰ نے کہا کہ دشواریوں کے باوجود تمام اضلاع کیلئے ترقیاتی بجٹ دیا گیا ہے۔ پنجاب کی تاریخ میں واحد بجٹ ہے جس میں اعداد و شمار کی ہیرا پھیری نہیں اور نہ ہی کچھ چھپایا گیا ہے۔وزیر اعلیٰ نے کہا کہ جنوبی پنجاب سے کابینہ کے اجلاس کا سلسلہ شروع کریں گے۔پی ٹی آئی کے منشور کے مطابق گڈگورننس کو بلندیوں تک لے کر جائیں گے اور ارکان اسمبلی سے پہلے سے زیادہ مشاورت کرکے اگلا بجٹ پیش کریں گے۔ انہوں نے کہا کہ پاکستان تحریک انصاف کی حکومت سے تعاون اور اعتماد کرنے والوں کا مشکور ہوں۔ ارکان اسمبلی کی مشاورت سے منصوبے مکمل کریں گے۔وزیراعلیٰ نے پنجاب اسمبلی کے عملے کو 2 ماہ کی بنیادی تنخواہ بطور اعزازیہ دینے کا اعلان کیا۔ارکان اسمبلی نے ایوان میں عمران خان زندہ باداور عثمان بزدار زندہ باد کے نعرے لگائے۔سپیکر چوہدری پرویز الہٰی نے اپنے خطاب میں وزیراعلیٰ عثمان بزدار کو شاندار الفاظ میں خراج تحسین پیش کیا اور ان کی قیادت پر بھرپوراعتماد کا اظہار کیا۔  وزیر اعلیٰ پنجاب سردار عثمان بزدار نے کہا ہے کہ ما لی مشکلات ضرور ہیں لیکن عوام پر بوجھ نہیں ڈالیں گے۔پاکستان تحریک انصاف کی پہلی صوبائی حکومت نے مشکل حالات کے باوجود بہترین بجٹ پیش کیاہے اور ارکان اسمبلی نے بجٹ اجلاس کے دوران مثالی اتحاد کا مظاہرہ کیا اور پارلیمانی روایات کو برقرار رکھا۔