لاہور(این این آئی) پنجاب کے وزیر اطلاعات فیاض الحسن چوہان نے اپوزیشن کی اے پی سی کو آل پاکستان لٹ مار ایسوسی ایشن قرار دیتے ہوئے کہاکہ اپوزیشن اے پی سی کرے یا کے ٹو کی پہاڑی پر چڑھ جائیں احتساب تو ہو کر رہے گا۔صوبائی وزیر اطلاعات فیاض الحسن چوہان نے میڈیا سے گفتگو کرتے ہوئے کہاکہ آل پاکستان لٹ مار ایسوسی ایشن کے نمائندوں کو اب مزید لٹ مار نہیں کرنے دیں گے۔یہ ایک طرف کہتے ہیں کہ این آر او نہیں مانگ رہے تو دوسری طرف (ن) لیگ کی قیادت اندر پاؤں پکڑ رہی ہے۔یہ چیخیں ماریں یا کے ٹی کی پہاڑی پر چڑھ جائیں

احتساب ضرور ہوگا۔فیاض الحسن چوہان نے کہاچیف جسٹس آف پاکستان نے کل سب صوبوں کے منسٹراور میڈیا مالکان کو بلایا ہوا تھا۔احتجاج صرف باپ بیٹے کا ہے،پیپلز پارٹی والے اندر بیٹھے ہوئے ہے۔ انہوں نے کہا کہ حمزہ شہباز کے پاس کوئی اخلاق نہیں ہے۔عمران خان نے 22 کروڑ پاکستان کے عوام کے دل جیتے ہیں۔ہمارا ایجنڈا صرف احتساب کا عمل ہے رہے گا۔سپریم کورٹ،نیب اور ایف آئی اے کو ہم تمام اختیارات دیں گئے۔کسی بھی پارٹی رہنما کے خلاف بھی ادارے کاروائی کر سکتیں ہیں۔ن لیگ کو چوہدری پرویز الٰہی ہضم نہیں ہو رہے ہیں۔