لاہور(وائس آف ایشیا)مسلم لیگ ن کے صدر اور اپوزیشن لیڈر قومی اسمبلی شہباز شریف کے چھوٹے صاحبزادے سلمان شہباز کے ہاں بیٹے کی پیدائش ہوئی۔ تفصیلات کے مطابق سلمان شہباز کے گھر آج بیٹے کی پیدائش ہوئی جس کے بعد شہباز شریف دادا اور حمزہ شہباز تایا بن گئے۔ شہباز شریف کو پوتے کی پیدائش کی خبر نیب حوالات میں دی جائے گی۔سلمان شہباز کے ہاں بیٹے کی پیدائش پر خاندان کو مبارکبادیں موصول ہونے کا سلسلہ شروع ہو گیا ہے۔یاد رہے کہ سلمان شہباز شہباز شریف
کے دوسرے بیٹے ہیں جو حمزہ شہباز سے چھوٹے ہیں۔ واضح رہے کہ مسلم لیگ ن کے صدر میاں محمد شہباز شریف کے صاحبزادے سلمان شہباز نے عملی سیاست میں قدم رکھنے کا فیصلہ کیا تھا۔ لیکن اس کے بعد انہیں سیاسی حلقوں یا سیاسی محاذ پر کہیں نہیں دیکھا گیا۔ یہاں یہ بات قابل ذکر ہے کہ مسلم لیگ ن کے صدر شہباز شریف کے بیٹے حمزہ شہباز جہاں سیاست میں اپنے والد کے ساتھ کافی متحرک ہیں وہیں ان کے چھوٹے صاحبزادے سلمان شہباز خاندان کا پورا بزنس سنبھالتے ہیں۔
