لاہو(آئی این پی) پاک فوج کیخلاف بیان دینے پر (ن) لیگ کے نہال ہاشمی کیخلاف سول لائن تھانے میں اندراج مقدمہ کی درخواست جمع کرا دی گئی۔تفصیلات کے مطابق پاک فوج کیخلاف بیان دینے پر تجمل حسین گوندل ایڈووکیٹ نے سول لائن میں نہال ہاشمی کیخلاف اندراج مقدمہ کی درخواست
دائر کردی۔ درخواست گزار نے موقف اختیار کیا کہ نہال ہاشمی توہین عدالت کیس میں سزا یافتہ ہیں، انہوں نے پاک فوج کے خلاف بیان دے کر ادارے کی تذلیل کی ہے، ان کی گفتگو سے ہر پاکستانی کی دل آزاری ہوئی۔ نفرت انگیز تقریر کرنے پر نہال ہاشمی کے خلاف مقدمہ درج کیا جائے۔
