اسلام آباد(مانیٹرنگ ڈیسک)امریکی اخبار وال سٹریٹ جرنل میں شریف برادران پر کے الیکٹرک کی خریداری میں کروڑوں ڈالر کی کک بیکس لینے کا الزام عائد کیا گیا ہے۔ اس حوالے سے جب معروف صحافی ارشد شریف نے نجی ٹی وی پروگرام میں اسد عمر سے سوال کیا کہ وال سٹریٹ جرنل کی سٹوری کے بعد کیا اس پر کوئی کارروائی ہو گی اور وہ کارروائی کون کریگا تو اس پر اسد عمر کا
کہنا تھا کہ اگر ہم نے ایف آئی اے کو کہا تو ایک بار پھر شور مچایا جائے گا کہ انتقامی کارروائی کی جا رہی ہے میرے خیال میں اس حوالے سے نیب کو تحقیقات کرنی چاہئے۔ ارشد شریف نے اسد عمر کوکے الیکٹرک کے مالک عارف نقوی کی وزیراعظم ہائوس میں وزیراعظم عمران خان کی زیر صدارت ہونیوالے ایک اجلاس میں موجودگی کے موقع پر لی گئی تصویر دکھاتے ہوئے سوال کیا کہ عارف نقوی عمران خان کے ساتھ اجلاس میں موجود ہیں تو اس پر اسد عمر کا کہنا تھا کہ وال سٹریٹ جرنل کی سٹوری اب سامنے آئی ہے اور دبئی میں ابراج گروپ کے خلاف ابھی صرف تحقیقات ہو رہی ہیں کوئی فیصلہ نہیں آیا۔ اس حوالے سے میں ایک بار پھر کہوں گا کہ نیب کو ہی کارروائی کرنی چاہئے کیونکہ آف شور جتنی بھی معلومات ہے وہ پاکستان میں صرف ایک ہی ایجنسی حاصل کر سکتی ہے اور وہ نیب ہے ۔واضح رہے کہ امریکی کاروباری جریدے وال اسٹریٹ جرنل نے دعوی کیا ہے کہ شریف برادران نے کے الیکٹرک کی سودے بازی میں کرپشن کی ہے۔تفصیلات کے مطابق وال اسٹریٹ جرنل نے شریف برادران کی بڑی کرپشن بے نقاب کر دی، جریدے نے ہوشربا انکشاف کرتے ہوئے کہا کہ شریف برادران نے کے الیکٹرک کے سودے میں کرپشن کی۔وال اسٹریٹ نے دعوی کیا ہے کہ ابراج کیپٹل کے عارف نقوی نے شریف برادران کو رشوت دی، اور ان کے ساتھ تعلقات بڑھائے،
عارف نقوی نے پسِ پردہ شریف برادران سے ملاقاتیں کیں، شریف برادران سے قریب غیر ملکی مشیر سے 2 کروڑ ڈالر کا معاہدہ کیا۔وال اسٹریٹ کا یہ بھی دعوی ہے کہ عارف نقوی نے ابراج پارٹنر کو لکھا کہ معاملہ عمومی طور پر طے کرنا ہے، عارف نقوی نے ای میل کی کہ معاملہ غلط ہاتھ میں گیا تو دھماکا ہوگا۔وال اسٹریٹ کے انکشاف کے مطابق عارف نقوی نے ای میل میں لکھا کہ شریف
برادران بتائیں گے کہ کک بیکس کی تقسیم کیسے ہوگی، شریف برادران کو رقم الیکشن فنڈ یا رفاہی کام کی آڑ میں دی جائے گی۔ای میل میں مزید لکھا گیا کہ 2 کروڑ ڈالر کیسے دیے جائیں یہ شریف برادران بتائیں گے، وال اسٹریٹ کا کہنا ہے کہ شریف برادران اور کے الیکٹرک کک بیکس ڈیل 8 سال پہلے کی ہے۔وال اسٹریٹ کے مطابق ابراج کیپٹل اور شریف برادران کے معاملات انتہائی خفیہ رکھے گئے، عارف نقوی اور شریف برادران نے کسی بھی ڈیل کی تردید کی ہے۔
