سکھر(آن لائن) وزیرریلوے شیخ رشید احمد نے کہا ہے کہ عوامی خدمت کو سیاست بنانے والوں نے ملک کا بیڑا غرق کر دیا ہے ، عوامی خدمت کیلئے ہمیشہ جدوجہد کی ہے انشاء اللہ اقتدار ہو یا نا ہو خدمت جاری رکھونگا سکھر کی حالت زار دیکھ کر انتہائی افسوس ہوتا ہے کہ یہاں کے منتخب نمائندگان نے سکھر کی عوام کیلئے کچھ نہیں کیا سڑکیں ٹوٹ پھوٹ ، ڈرینج سسٹم ناکارہ ، دریائے کے کنارے آباد ہونے کے باوجود لوگ صاف پانی کیلئے ترس رہے ہیں ۔ان خیالات کا اظہار انہوں نے سکھر میں گذشتہ روز
پی ایم ایل (ف ) ضلع سکھر کے صدر ایڈوکیٹ سید شفقت علی شاہ کی رہائش گاہ پر اپنے اعزاز میں دیئے گئے استقبالیہ کے دوران پی ایم ایل (ف ) کے رہنماؤں سے گفتگو کے دوران کیا ۔سید شفقت علی شاہ نے انہیں سندھ کا روایتی تحفہ اجرک و تحائف پیش کئے ، ملاقات میں شیخ رشید احمد نے مزید کہا کہ عمران خان عوامی خدمت کے منشور پر عمل پیرا ہے جو غلطیاں ماضی کے نااہل حکمرانوں نے کی ہیں وہ جلد نہیں سدھر سکتی ۔انشاء اللہ ہم سب ملکر اس وطن عزیز اور اس میں بسنے والی قوم کی خدمت کیلئے کوشش کرینگے ۔
