اسلام آباد(مانیٹرنگ ڈیسیک)ناصر درانی کا استعفیٰ ،کہانی کچھ اور ہی نکلی ،نجی ٹی وی 92کے مطابق ناصر درانی ایماندار اور پروفیشنل آئی جی پنجاب امجد سلیمی کی تعیناتی سے ناخوش تھے ،ناصر درانی کی تعیناتی سے لیکر اب تک پنجاب پولیس میں ایک بھی ریفارم نہ ہوسکی۔اس لئے اپنی جواب طلبی کے ڈر سے ناصر درانی نے امجد جاوید سلیمی کی تعیناتی کو بہانہ بنایا
اور استعفیٰ دیدیا۔ذرائع کے مطابق ناصر درانی اور طاہر خان کی تعیناتی کے دوران پنجاب میں مجرموں کیخلاف کوئی بڑا یکشن نہ ہوسکا،پولیس کے رویے میں بھی کوئی تبدیلی نہیں آئی۔واضح رہےکہ گزشتہ روز یہ خبر آئی تھی کہ ناصر درانی نے استعفی ممکنہ طور پر آئی جی پنجاب طاہر خان کے تبادلے کے باعث دیا۔جبکہ ناصر درانی نے اپنے استعفے میں صحت کی وجوہات کا حوالہ دیاتھا۔