’’کیا شہباز شریف کی گرفتاری کا تحریک انصاف کو پہلے سے علم تھا ؟‘‘ عثمان ڈارنے اپناٹویٹ ڈیلیٹ کر دیا ، اس میں ایسا کیا لکھاتھا ؟معروف خاتون اینکر نے سکرین شاٹ شیئر کرتے ہوئے دوٹوک پیغام بھی دیدیا

6 اکتوبر‬‮ 2018 |

اسلام آباد (مانیٹرنگ ڈیسک)قائد حزب اختلاف شہباز شریف کو گزشتہ روز نیب نے صاف پانی کیس میں تیسری دفعہ تفیش کیلئے طلب کیا تھا ۔ نیب سوالات کا تسلی بخش جواب نہ دینے پر اپوزیشن لیڈر قومی اسمبلی کو آشیانہ ہائوسنگ سکیم کیس میں گرفتارکیا گیا ۔ سابق وزیراعلیٰ پنجاب شہباز شریف کی گرفتاری نے ملکی سیاست میں ہلچل مچادی تو وہیں سیاسی رہنمائوں کا شدید ردعمل بھی سامنے آیا ۔

اس معاملے پر تحریک انصاف کے رہنما عثمان ڈار نے سوشل میڈیا کی ویب سائٹ ٹویٹر پر ایک پیغام ٹویٹ کیا جس میں لکھا کہ ’’فواد حسن فواد شہباز شریف کیخلا ف وعدہ معاف گواہ بنے ہیں ‘‘۔ جس پر معروف اینکر پرسن غریدہ فاروقی نے ان پر سوال داغ دیا کہ ’’ سر یہ خبر آپ کے پاس پہلے کہاں سے آ گئی ؟ نیب نے تو ابھی باضابطہ نہیں بتایا‘‘۔ غریدہ فاروقی کے سوال پوچھتے ہیں عثمان ڈار نے فوراً اپنا ٹویٹ ڈیلیٹ کر دیا لیکن معروف اینکر نے ان کے ٹویٹ کے سکرین شاٹ لے کر شیئر کیے اور ساتھ لکھا کہ ’’ بہت اچھے اور پیارے انسان ہیں عثمان ڈار صاحب لیکن غلطی کر گئے۔ ٹویٹ کیا کہ فواد حسن فواد وعدہ معاف گواہ بن گئے؛ پھر ڈیلیٹ کر دیا۔ پی ٹی آئی حکومت کو چاہئیے نیب کے معاملات میں بیان بازی سے دور رہے۔یاد رہے کہ نیب نے احتساب عدالت سے شہباز شریف کے15روز ہ جسمانی ریمانڈ کی استدعا کر رکھی تھی جسے عدالت نے جزوی طور پر منظور کرتے ہوئے 10روزہ جسمانی ریمانڈپر انہیں نیب کے حوالے کر دیا ۔جبکہ دوسری جانب مسلم لیگ (ن) کی رہنما عظمیٰ بخاری نے کہا ہے کہ حکومت چاہتی ہے کہ ضمنی انتخابات سے پہلے شہباز شریف میدان میں نہ ہوں ، نیب کے پاس ثبوت ہیں تو ریمانڈ کی کیا ضرورت ہے ۔ ہفتہ کو میڈیا سے گفتگو کرتے ہوئے عظمیٰ بخاری نے کہا کہ یہی وہ 10 دن ہیں جب پی ٹی آئی شہباز شریف کو گرائونڈ پر نہیں دیکھنا چاہتی ، حکومت چاہتی ہے کہ ضمنی انتخابات سے پہلے شہباز شریف میدان میں نہ ہوں ،نیب کے پاس ثبوت ہیں تو ریمانڈ کی کیا ضرورت ہے ، کون سی ایسی تحقیقات ہیں جو نیب نے کرنی ہیں ۔

بہت اچھے اور پیارے انسان ہیں عثمان ڈار صاحب لیکن غلطی کر گئے۔ ٹویٹ کیا کہ فواد حسن فواد وعدہ معاف گواہ بن گئے؛ پھر ڈیلیٹ کر دیا۔ پی ٹی آئی حکومت کو چاہئیے نیب کے معاملات میں بیان بازی سے دور رہے۔ pic.twitter.com/HY1Z6escah

— Gharidah Farooqi (@GFarooqi) October 5, 2018