کراچی (این این آئی) صوبائی وزیر ورکس اینڈ سروسز ناصر حسین شاہ نے کہاہے کہ ہم خزانے پر بلاوجہ بوجھ ڈالنا نہیں چاہتے،کالا باغ ڈیم کے علاوہ کسی ڈیم کی مخالفت نہیں کریں گے،جہانگیر ترین کے اکاؤنٹس سے متعلق جے آئی ٹی بنانی چاہیے اربوں روپے عام آدمی کے اکاؤنٹ سے متعلق صوبائی حکومت مکمل تحقیقات کرے گی۔ سندھ اسمبلی میں میڈیا سے گفتگو کرتے ہوئے انہوں نے کہا کہ کالا باغ ڈیم کو کسی صورت بننے نہیں دیں گے،

ان کا کہنا تھا کہ ہم خزانے پر بلاوجہ بوجھ نہیں ڈالنا چاہتے۔ انہوں نے کہاکہ تحریک انصاف صرف دعوے ہی کرتی ہے،عمران خان نے کہا کہ وہ قرض نہیں لیں گے،عمران خان کو چڑیل لگنے والی آئی ایم ایف آج بھلی لگ رہی ہے۔ ناصرشاہ کا کہنا تھا کہ اربوں روپے عام آدمی کے اکاؤنٹ سے متعلق صوبائی حکومت مکمل تحقیقات کرے گی۔ایف آئی اے کوبھی چاہیئے کہ وہ اس متعلق مکمل تحقیقات کرے۔ اکاؤنٹ اولڈر کو پتہ تک نہیں ان کے اکاؤنٹ میں اربوں روپے موجود ہیں۔ انہوں نے کہاکہ جہانگیر ترین کے اکاؤنٹس سے متعلق چیف جسٹس نے ذکر کیا تھا،جہانگیر ترین کے اکاؤنٹس سے متعلق جے آئی ٹی بننی چاہیئے۔جو نااہل ترین ہیں وہ اہم ترین بن کر حکومتی کام کر رہے ہیں،پیپلزپارٹی آج بھی چیلنجز کاسامناکررہی ہے۔صوبائی وزیر سید ناصر حسین شاہ کا کہنا تھا کہ گرین لائن کا کام مکمل نہ ہونے کی وجہ سے بسیں نہیں لائی گئیں۔چھ سو بسیں کچھ ماہ بعد کراچی کی سڑکوں پر نظر آئیں گی۔ہم نے وقت سے پہلے بسیں نہ لاکر دیگر صوبوں کے برعکس اپنی سبسڈی بچائی ہے۔  صوبائی وزیر ورکس اینڈ سروسز ناصر حسین شاہ نے کہاہے کہ ہم خزانے پر بلاوجہ بوجھ ڈالنا نہیں چاہتے،کالا باغ ڈیم کے علاوہ کسی ڈیم کی مخالفت نہیں کریں گے،جہانگیر ترین کے اکاؤنٹس سے متعلق جے آئی ٹی بنانی چاہیے اربوں روپے عام آدمی کے اکاؤنٹ سے متعلق صوبائی حکومت مکمل تحقیقات کرے گی۔