اسلام آباد(مانیٹرنگ ڈیسک)دنیا بھر کی آٹو انڈسٹری سے تعلق رکھنے والے 12نامور کمپنیوں کاتحریک انصاف کی حکومت پر اعتماد کا اظہار، ایک ارب ڈالر سے زائد کی سرمایہ کاری پر رضامندی ظاہر کر دی۔ پاکستان کے مؤقر قومی اخبار کی رپورٹ کے مطابق آٹو انڈسٹری کی 12بین الاقوامی کمپنیوں نے تحریک انصاف کی حکومت پر اعتماد کا اظہار کرتے ہوئے پاکستان میں ایک ارب ڈالر

سے زائد کی سرمایہ کاری پر رضامندی ظاہر کر دی ہے جس سے ہزاروں افراد کو روزگار ملے گا۔پاکستان میں سرمایہ کاری کیلئے تیار کمپنیوں میںجاپان، جنوبی کوریا، چین اور دیگر ممالک کی کمپنیاں شامل ہیں،دستاویزات کے مطابق وزارت صنعت و پیداوار کو 10 غیر ملکی کمپنیوں نے آٹو سیکٹر میں سرمایہ کاری کیلئے رضامندی ظاہر کر دی،جبکہ ملک میں دو کمپنیوں کے بند پڑے یونٹس کی بحالی کرکے اس میں سرمایہ کاری کا اعادہ کیا ہے ،و زارت صنعت و پیداوار کے ذیلی ادارہ انجینئرنگ ڈیویلپمنٹ بورڈ کے انچارج پالیسی عاصم ایاز نے قومی اخبار کو بتایا کہ پاکستان میں سرمایہ کاری کیلئے سازگار ماحول ہے ،جوکہ غیر ملکی سرمایہ کاروں کھینچ کر آ رہا ہے ، نئی کمپنیاں ملک میں 1.2 ارب ڈالر سے زائد کی سرمایہ کاری کر رہی ہیں،جس سے میڈ ان پاکستان گاڑیوں میں اضافہ ہوگا، اور ہزاروں افراد کو روزگار ملے گا،نئی سرمایہ کاری سے ملک میں مقامی سطح پر اچھی کوالٹی کی گاڑیاں بنیں گی،جو صارفین کے مزاج اور خواہشات کو مدنظر رکھ کر جدید تقاضوں سے ہم آہنگ ہوں گی،اس سلسلے میں نئی حکومت آنے کے بعد سرمایہ کاری میں تیزی آ گئی ہے ۔واضح رہے کہ ان کمپنیوں میں یونائیٹڈ موٹرز ، ریگل آٹو موبائل انڈسٹریز لمیٹڈ، لکی موٹرز ، ہنڈائی نشاط موٹرز ، فوٹون آٹو پارک ، ساگر انجینئرنگ ورکس، پاک چائینہ موٹرز، ٹاپسن موٹرز ، دیوان فاروق موٹرز، گندھارا نسان لمیٹڈشامل ہیں۔

موضوعات:آٹو انڈسٹری سرمایہ کاری وزارت صنعت و پیداوار