اسلام آباد(مانیٹرنگ ڈیسک) مریم نواز کے صاحبزادے جنید صفدر قطری نمبر پلیٹ والی گاڑی چلاتے ہوئے پکڑے گئے، سینئر صحافی چوہدری غلام حسین کا انکشاف۔ تفصیلات کے مطابق سینئر صحافی چوہدری غلام حسین نے نجی ٹی وی پروگرام میں انکشاف کرتے ہوئے بتایا ہے کہ 6 ستمبر کو مریم نواز کے صاحبزادے جنید صفدر قطری نمبر پلیٹ والی گاڑی کے ساتھ لاہور میں

پکڑے گئے تھے۔جنید صفدر ڈیفنس لاہور سے جاتی امرا جارہے تھے کہ راستے میں پولیس نے گاڑی پکڑ لی۔ جنید صفدر کے پاس اس موقع پر قطر نمبر کی گاڑی کے کاغذات بھی نہیں تھے جس پر انہوں نے اسے تھانے بند کر دیا ۔ پولیس نے 2 گاڑیاں پکڑی تھیں، بعدازاں انہوں نے کسی مجسٹریٹ کو ایک سال کا اعزاز نامہ دکھا یا اور سپرداری پر گاڑی لے گئے۔