اسلام آباد (مانیٹرنگ ڈیسک)وزیر اعظم عمران خان کی اپیل کے بعد دیامر بھاشا اور مہمند ڈیم کی تعمیر کے لیے قائم فنڈ میں عطیات جمع کرانے کا سلسلہ تیز ۔آغا خان میڈیکل یونیورسٹی میں زیر تعلیم دو بہن بھائیوں نے اپنی اسکالر شپ کی رقم ڈیم فنڈز میں عطیہ کرنے کا فیصلہ کرلیا۔میڈیا رپورٹس کے مطابق آغا خان میڈیکل
یونیورسٹی میں زیر تعلیم صادق آباد کے رہائشی حذیفہ ظفر اور مرحمہ ظفر نے اپنی اسکالر شپ کے 10 لاکھ روپے ڈیم فنڈز میں جمع کروانے کا اعلان کیا ہے۔ واضح رہے کہ کل آرمی چیف کی جانب سے چیف جسٹس کو ایک ارب 59 لاکھ روپے کا چیک پیش کیا گیا تھا ۔اس کے علاوہ ملک بھر سے رقوم جمع کرائی جارہی ہیں۔
