ٓاسلام آباد ( آن لائن )پاکستان تحریک انصاف نے ضمنی انتخابات کیلئے اپنے امیدواروں کے ناموں کا اعلان کردیا، حلقہ این اے 243کراچی سے عمران خان کی چھوڑی گئی سیٹ پر پی ٹی آئی کے رہنما آفتاب صدیقی کو ٹکٹ دینے کا فیصلہ جبکہ کراچی سے عارف علوی کی سیٹ حلقہ این اے 247پر محمود مولوی کوٹکٹ دیا جائیگا۔ محمود مولوی عام انتخابات میں حلقہ این اے 255پر ایم کیو ایم کے رہنما خالد مقبول صدیقی سے شکست کھاگئے اور کراچی میں پی ٹی آئی کے جنرل سیکرٹری گورنر سندھ عمران اسماعیل کے حلقہ این اے 111
سے گورنر عمران اسماعیل کے بھائی عدنان اسماعیل نے ٹکٹ کے لئے اپنی فارم جمع کرائے دیئے، جبکہ ایم این اے آفتاب جہانگیر کے بھائی احمد جہانگیر نے بھی حلقہ پی ایس 111کیلئے فارم جمع کرائے دیئے، کراچی سے شہزاد قریشی اور دیگر لوگ بھی اس حلقے سے انتخابات لڑنے کیلئے ٹکٹ حاصل کرنے کی کوشش کر رہے ہیں، ذرائع کا مطابق گورنر سندھ عمران اسماعیل نے اپنے بھائی کو ٹکٹ دلوانے میں سرگرم ہو گئے ہیں اور گزشتہ ہفتے سے اسلام آباد میں موجود پی ٹی آئی کے اعلیٰ قیادت سے ملاقاتیں جاری ہیں۔
