اسلام آباد (مانیٹرنگ ڈیسک )پاکستان کے غدار ڈاکٹر شکیل آفریدی کو اڈیالہ جیل سے ساہیوال جیل منتقل کر دیا گیا۔ تفصیلات کے مطابق ایبٹ آباد آپریشن کے مرکزی کردار ڈاکٹر شکیل آفریدی کو آج صبح اڈیالہ جیل سے ساہیوال جیل منتقل کر دیاگیا ہے۔ نجی ٹی وی رپورٹ کے مطابق گزشتہ رات سے راولپنڈی کی اڈیالہ جیل میں پراسرار سرگرمیاں دیکھنے میں آئی ہیں ۔ رپورٹ کے مطابق ان سرگرمیوں کا نتیجہ ایبٹ آباد آپریشن

کے مرکزی کردار ڈاکٹر شکیل آفریدی کی اڈیالہ جیل سے ساہیوال جیل منتقلی کی صورت میں سامنے آیا ہے ۔ واضح رہے کہ ڈاکٹر شکیل آفریدی نے امریکی سی آئی اے کی معاونت کی تھی اور اس پر القاعدہ سربراہ اسامہ بن لادن کی مخبری کا بھی الزام ہے۔ پاکستانی عدالت سے ڈاکٹر شکیل آفریدی کو 33سال قید کی سزا سنائی جا چکی ہے جس کے بعد سے وہ مختلف جیلوں میں اپنی قید کے دن کاٹ رہا ہے۔

موضوعات:شکیل آفریدی