اسلام آباد(آئی این پی) پاکستان پیپلز پارٹی نے قومی اسمبلی میں قائد حزب اختلاف کیلئے شہباز شریف کی باضابطہ حمایت کا اعلان کردیا اور باقاعدہ خط لکھ کر مسلم لیگ (ن) کو اپنے فیصلے سے آگاہ کیا ۔ اتوار کو پاکستان پیپلز پارٹی نے پاکستان مسلم لیگ (ن) کے صدر شہباز شریف کو خط لکھا ،
جس میں اپوزیشن لیڈر کیلئے شہباز شریف کی حمایت کا یقین دلایا گیا ہے۔ خط پر بلاول بھٹو ،خورشید شاہ اور راجہ پرویز اشرف کے دستخط موجود ہیں۔ خط میں کہا گیا کہ بڑی جماعت کی حیثیت سے قائد حزب اختلاف کا عہدہ (ن) لیگ کا حق ہے اور پیپلز پارٹی شہباز شریف کی حمایت کرے گی۔
