لاہور (ا ین این آئی) پاکستان پیپلز پارٹی نے آج (اتوار ) قائد ایوان پنجاب کے انتخاب میں بھی لاتعلق رہنے کا فیصلہ کر لیا ۔ اس حوالے سے حسن مرتضیٰ نے کہا کہ پیپلز پارٹی وزیراعلیٰ کے انتخاب کے اجلا س میں شریک ہوگی تاہم ہمارے ارکان ووٹ نہیں دیں گے کیونکہ ہمارے نزدیک تحریک انصاف اور (ن) لیگ ایک سکے
کے دو رخ ہیں۔ اس لیے ہمارے ارکان ایوان میں موجود ہوں گے لیکن انتخابی عمل کا حصہ نہیں بنیں گے۔ انہوں نے بتایا کہ سپیکر اور ڈپٹی سپیکر کے انتخاب میں پنجاب میں پی پی کے سات میں سے دو ارکان نے ووٹ ڈالا تھا،پارٹی فیصلے کی خلاف ورزی پر نبیل رئیس اور غضنفر لانگاہ کو شوکاز نوٹس جاری ہوئے۔
