اسلام آباد (مانیٹرنگ ڈیسک) عمران خان کو وزارت عظمیٰ کے الیکشن میں شہباز شریف کے مقابلے میں 180سے 184ووٹ ملنے کا امکان، فواد چوہدری نے بڑا دعویٰ کر دیا۔ تفصیلات کے مطابق تحریک انصاف کے مرکزی ترجمان فواد چوہدری نے عمران خان کو وزارت عظمیٰ کے انتخابات میں 180سے 184ووٹ ملنے کا دعویٰ کیا ہے۔ میڈیا سے گفتگو کرتے ہوئے فواد چوہدری کا کہنا تھا کہ نون لیگ میں فاروڈ بلاک بنانے کا الزام مسترد کرتے
ہیں، پیپلزپارٹی اور نون لیگ الگ الگ سیاست کریں۔ خیال رہے کہ پیپلزپارٹی نے شہباز شریف کو وزارت عظمیٰ کیلئے ووٹ دینے سے انکار کر دیا ہے جبکہ جماعت اسلامی کی جانب سے بھی وزارت عظمیٰ کے الیکشن میں غیر جانبدار رہنے کا اعلان سامنے آچکا ہے جبکہ میڈیا رپورٹس کے مطابق ن لیگ کے بھی کئی اراکین اور متحدہ اپوزیشن کی دیگر جماعتوں سے بھی اراکین میں سے کئی ووٹ عمران خان کو پڑ سکتے ہیں ۔
