اسلام آباد (نیوز ڈیسک)کلبھوشن یادیو کی گرفتاری کے بعد پاکستان سکیورٹی فورسز نے ایک اور بڑی کامیابی حاصل کر لی ہے، ایک نجی ٹی وی چینل کی رپورٹ کے پاکستان سکیورٹی فورسز نے کارروائی کرتے ہوئے خیبر پختونخوا کے ضلع پارا چنار سے بھارتی شہری کو گرفتار کر لیا ہے۔ رپورٹ کے مطابق یہ بھارتی شہری رام بہار افغانستان کے
راستے پاکستان میں داخل ہوا تھا اور گرفتار کیے جانے والے بھارتی شخص کا تعلق بھارتی ریاست گجرات سے ہے۔ یاد رہے کہ پاکستان کے حساس اداروں نے تین مارچ 2016ء کو بلوچستان سے کلبھوشن یادیو کو گرفتار کیا گیا، جس نے بھارت کی خفیہ ایجنسی را کے لیے کام کرنے اور پاکستان میں امن و امان خراب کرنے کی ذمہ داری بھی قبول کی۔
