اسلام آباد(مانیٹرنگ ڈیسک)قومی اسمبلی میں تحریک انصاف کے اسد قیصر سپیکر قومی اسمبلی منتخب ہو گئے ہیں۔ سپیکر ایاز صادق نے انتخابی عمل مکمل اور ووٹنگ کے نتائج کا اعلان کیا گیا۔ سپیکر ایاز صادق نے سپیکر انتخاب کے نتائج کا اعلان کرتے ہوئے بتایا کہ ایوان میں سپیکر کے انتخاب کیلئے 330ووٹ ڈالے گئے جن میں سے 8ووٹ مسترد جبکہ تحریک انصاف کے اسد قیصر 176ووٹ لیکر

سپیکر قومی اسمبلی منتخب ہوئے ہیں جبکہ ان کے مدمقابل متحدہ اپوزیشن کے خورشید شاہ کو 146ووٹ پڑے ہیں۔ سپیکر ایازصادق نے اسد قیصر سے حلف لیا اور اسد قیصر نے فوری طور پر نئے سپیکر کی ذمہ داریاں سنبھال لیں۔ حلف کے دوران اپوزیشن کی جانب سے احتجاج شروع کر دیا گیا جس کے باعث سپیکر کی چیئر سنبھالتے ہی اسد قیصر نے 15منٹ کیلئے اسمبلی کا اجلاس ملتوی کر دیا ہے۔

موضوعات:سپیکر اسد قیصر قومی اسمبلی اجلاس ووٹ