اسلام آباد(آن لائن)سیکورٹی اداروں نے تحریک انصاف کے چیئرمین عمران خان کیلئے بنی گالہ اور سپیکر ہاؤس کو غیر محفوظ قرار دے دیا۔ تفصیلات کے مطابق ہفتہ کے روز سیکورٹی اداروں نے عمران خان کو سیکورٹی اداروں نے تحفظات سے آگاہ کرتے ہوئے ابتدائی رپورٹ پیش کی ہے کہ عمران خان کیلئے سپیکر ہاؤس غیر محفوظ ہے کیونکہ عمران خان نے فیصلہ کیا تھا کہ وہ وزیراعظم ہاؤس میں رہائش پذیر نہیں ہوں گے تو سپیکر ہاؤس میں ان کا قیام متوقع ہے۔
اس کے علاوہ سیکورٹی اداروں کی جانب سے بنی گالہ کے اطراف میں بھیسیکورٹی خدشات کا اظہار کیا گیا ہے۔دریں اثناء تحریک انصاف کے چےئرمین عمران خان سے ایرانی سفیر مہدی ہنر دوست نے ملاقات کی جس میں دو طرفہ تعلقات پر تبادلہ خیال ہوا۔ تفصیلات کے مطابق ہفتہ کے روز پی ٹی آئی چےئرمین عمران خان سے ایرانی سفیر مہدی ہنر دوست نے بنی گالہ میں ملاقات کی اور عمران خان کو الیکشن میں کامیابی پر مبارکباد پیش کی ۔دو طرفہ تعلقات کو مزید مستحکم کرنے پر بھی اتفاق ہوا۔
