سرگودھا(آن لائن)۔تفصیلات کے مطابق گزشتہ ندیم افضل چن نے چیئرمین تحریک انصاف عمران خان سے بنی گالہ میں ملاقات کی اس دوران اہم امور پر تبادلہ خیال کیا گیا ۔ ذرائع کے مطابق 25 جولائی کو ہونے والے انتخابات میں حلقہ این اے 88 سے ندیم افضل چن جو پاکستان مسلم لیگ ن کےامیدوار ڈاکٹر مختار احمد بھرتھ سے شکست کھا گئے تھے، جس پر عمران خان نے انہیں بنی گالا میں ملاقات کے لئے بلوایاتھا جہاں پر ان سے

عمران خان کی تفصیلی ملاقات ہوئی تھی پارٹی امورسمیت اہم ایشوز پرتبادلہ خیال بھی کیا گیا، ذرائع کا کہنا ہے کہ عمران خان ندیم افضل چن کو پنجاب میں پی ٹی آئی کی اہم ذمہ داری سونپیں گے یاد رہے عمران خان الیکشن سے قبل ان کے آبائی گھر پنڈ مکوں آئے تھے جہاں پر انہوں نے جلسہ عام سے خطاب کیا تھا اور اس موقع پر ندیم افضل چن اور ان کے بھائی سمیت متعدد کارکنوں نے پاکستان تحریک انصاف میں شمولیت اختیار کی تھی۔