اسلام آباد (آئی این پی ) عام انتخابات 2018 قومی اسمبلی کے 16 لاکھ سے زائد ووٹ مسترد ہوئے جبکہ 35 حلقوں میں مسترد ووٹ جیتنے والے امیدوار کے مارجن سے زیادہ نکلے ۔ذرائع کے مطابق عام انتخابات 2018ء میں قومی اسمبلی کی 270 نشستوں پر انتخابات ہوئے۔ انتخابات کے دوران مجموعی طور پر 16 لاکھ 79 ہزار 702 ووٹ مسترد ہوئے۔

پنجاب میں قومی اسمبلی کے 24 حلقوں میں مسترد شدہ ووٹوں کی تعداد جیتنے والے امیدواروں کے مارجن سے زیادہ رہی۔جبکہ سندھ میں 6، خیبر پختونخو ا کے 4 اور بلوچستان کے 1 حلقے میں بھی مسترد شدہ ووٹ جیت کے مارجن سے زیادہ تھے۔ حالیہ انتخابات میں مسترد ووٹوں کی تعداد گزشتہ انتخابات کے مسترد ووٹوں سے کہیں زیادہ ہے۔