ڈیرہ اسماعیل خان(سی پی پی)خیبرپختونخوا کے ضلع ڈیرہ اسماعیل خان میں نامعلوم افراد کی فائرنگ سے دو پولیس اہلکار شہید ہوگئے ۔ابتدائی معلومات کے مطابق ڈیرہ اسماعیل خان کے علاقے پردہ خانہ شریف میں گشت کے دوران نامعلوم افراد نے فائرنگ کی۔
فائرنگ کے بعد علاقے میں سکیورٹی سخت کردی گئی ہے اور ناکہ بندی کرکے آس پاس کے علاقوں میں سکیورٹی فورسز نے آپریشن شروع کردیا ہے تاہم ابتدائی اطلاعات کے مطابق ابھی تک کوئی گرفتاری عمل میں نہیں آئی۔
