راولپنڈی(این این آئی)میڈیا رپورٹ کے مطابق مسلم لیگ (ن) کے صدر شہباز شریف نے اڈیالہ جیل میں پارٹی کے تاحیات قائد نواز شریف سے ملاقات کی ہے۔ ملاقات کے دوران شہباز شریف نے اپنے بڑے بھائی کی طبیعت دریافت کی۔ملاقات کے دوران دونوں رہنماؤں نے انتخابی نتائج سے متعلق غور کیا اور آئندہ کی حکمت عملی پر تفصیلی تبادلہ خیال کیا۔دوسری جانب نواز شریف سے سابق چیئرمین پیمرا ابصار عالم اور طارق فاطمی کی ملاقات نہ ہوسکی، طارق فاطمی کا کہنا تھا کہ جیل حکام کے مطابق نواز
شریف کی طبیعت ناساز ہے، اس لئے نواز شریف سے صرف اہل خانہ مل سکتے ہیں۔ذرائع کے مطابق گور نر کے پی کے اقبال ظفر جھگڑانے بھی سابق وزیر اعظم نوازشریف سے ملاقات کی ۔ذرائع کے مطابق شہبازشریف اور نوازشریف کی ملاقات میں فیصلہ کیاگیا کہ انتخابی نتائج کے بعد پیداہونیوالی صورتحال کی وجہ سے اپوزیشن جماعتوں کے ساتھ ملکر ن لیگ متفقہ لائحہ عمل تیار کرے گی اور ممکنہ طورپر اقتدار سنبھالنے والی جماعت تحریک انصاف کو ٹف ٹائم دیاجائے گا۔
