اسلام آباد(مانیٹرنگ ڈیسک)120سیٹیں حاصل کرنے کے بعد پنجاب میں تحریک انصاف حکومت بنانے کی پوزیشن میں آگئی ،نجی ٹی وی پروگرام میں گفتگو کرتے ہوئے سینئر صحافی سہیل وڑائچ نے کہا کہ تحریک انصاف کی جانب سے وزارت اعلیٰ کے متوقع امیدواروں میں عبدالعلیم خان فیورٹ ہیں ،فواد چوہدری کی بھی کوشش ہے کہ وہ وزیر اعلیٰ پنجاب بنیں۔صوبائی اسمبلی کی سیٹ جیتنے کے بعد چوہدری نثار کے امکانات بھی روشن ہیں۔

لیکن اب شاید عمران خان اتنی سیٹیں جیتنے کے بعد چوہدری نثار کو پنجاب میں وزارت اعلیٰ دینے پر راضی نہیں ہونگےجبکہ موسٹ فیورٹ شاہ محمود قریشی اس فہرست سے آؤٹ ہوگئے ہیں کیونکہ وہ صوبائی اسمبلی کی سیٹ گنوا چکے ہیں ۔واضح رہے کہ وفاقی سطح پر بھی تحریک انصاف کی جانب سے وزارتوں کیلئے امیدواروں کے نام بھی سامنے آگئے ہیں ۔نجی ٹی وی کے مطابق پرویز خٹک وزیر داخلہ اور شیریں مزاری وزیر خارجہ کا عہدہ رکھنے میں دلچسپی رکھتے ہیں۔

موضوعات:وزارت اعلیٰ پنجاب