لاہور(سی پی پی) سابق وزیراعلیٰ پنجاب شہباز شریف کے صاحبزادے اور سابق ممبر قومی اسمبلی حمزہ شہباز نے این اے 124 سے میدان مار لیا ۔غیر حتمی و غیر سرکاری نتائج کے مطابق قومی اسمبلی کے حلقہ این اے 124 لاہور سے مسلم لیگ (ن)کے امیدوار حمزہ شہباز ایک لاکھ 46ہزار 949ووٹ لے کر کامیاب قرار پائے جب کہ تحریک انصاف کے نعمان قیصر 80ہزار 981ووٹ حاصل کرسکے۔

حلقہ این اے 124 میں پاکستان مسلم لیگ (ن)کے حمزہ شہباز شریف ، تحریک انصاف کے نعمان قیصر اور پیپلز پارٹی کے چوہدری ظہیر احمد خان سمیت دیگر امیدوار میدان میں تھے ،یہ پرانا حلقہ این اے 119 ہے جہاں سے میاں نواز شریف اور شہباز شریف نشست جیتتے رہے ہیں جبکہ حمزہ شہباز نے سال 2008 اور 2013 کے عام انتخابات میں بھی اسی حلقہ سے حصہ لیا تھا اور کامیابی حاصل کی تھی ۔

موضوعات:حمزہ شہباز