اسلام آباد(آن لائن) شیر پر مہر لگاؤ تو راستہ ملے گا وفاقی دارالحکومت کے حلقہ 54میں چالیس سے پچاس خاندان سے راستہ دیکر ایک تحریر ی معاہدے کے بعدشیر پر مہر لگانے کا حلف لے لیا گیا۔سابق وزیر اعلیٰ پنجاب شہباز شریف کے فرنٹ مین توقیر شاہ کے بھائی تنویر شاہ نے سینکڑوں ووٹرز کو راستہ فراہم کرنے کی یقین دہانی کرا کر ووٹ کی پرچی لیے جانے کا انکشاف ہوا ہے۔
سنگ جانی کے علاقہ میں سینکڑوں ووٹرز کی حامل آبادی کوراستہ دیا جاناتھاجوکہ تنویر شاہ کی زمینوں سے گزر کر جانا تھا،جس پر گزشتہ رات ایک معاہدہ طے پایا کہ انجم عقیل کو ووٹ دینے کی شرط پر راستہ فراہم کیا جائے گاسادہ لوح شہریوں نے جھانسہ میں آکر ووٹ دینے کا معاہد ہ کر لیا اور یوں سینکڑوں آبادی والے حلقہ نے راستہ پر بلیک میل ہو کر راستہ کے عوض ووٹ کی پرچی بیچ ڈالی۔
