اسلام آباد (مانیٹرنگ ڈیسک) پاکستان کا پہلا ٹینڈر ووٹ کاسٹ، شہری کو چرایا گیا اس کا ووٹ واپس مل گیا۔ نجی ٹی وی رپورٹ کے مطابق انا محمد اظہر نامی شخص جس وقت گلشن اقبال کے ماسٹر جی کوچنگ سینٹر پولنگ سٹیشن میں جب اپنا ووٹ کاسٹ کرنے کیلئے پہنچا تو اسے معلوم ہوا کہ اس کا ووٹ تو پہلے ہی کوئی ڈال گیا ہے جس پر شہری نے پولنگ سٹیشن میں اپنا شدید احتجاج ریکارڈ کروایا جس کے بعد انتخابی عملے کی جانب سے اسے ووٹ واپس کیا گیا اور پھر اس نے اپنا ووٹ کاسٹ کیا ۔
ٹینڈرز ووٹرز کی فہرست ہر پولنگ سٹیشن میں الگ الگ تیار کی گئی ہے ۔واضح رہے کہ الیکشن کمیشن نے ملکی تاریخ میں پہلی مرتبہ ٹینڈر ووٹ کو کاونٹ کرنے کا فیصلہ کیاہے جس کے مطابق ٹینڈرووٹ کوکائونٹ کرنے کے فیصلہ کے بعداب کسی اورکے نام سے ووٹ کاسٹ ہونے پراصلی اورجعلی دونوں ووٹ کاونٹ ہوں گے اور پولنگ سٹیشنز پر ٹینڈ ر ووٹ کیلئے الگ بیلٹ باکس ہوگا۔معاملہ تحقیقات کیلئے نادراکوبھجوایاجائے گاجہاں انگوٹھے کے نشان سے جعلسازکا پتہ چلایا جائیگاجسے 2 سال جیل کی سزاہوگی۔
