خوشاب ، دیر(نیوز ڈیسک)خوشاب کے قومی اسمبلی کے حلقے این اے 93میں گھگھ کلاں میں خواتین نے پہلی بارووٹ کاسٹ کیا، اسی طرح ملکی تاریخ میں پہلی بار دیر بالا میں بھی خواتین نے ووٹ کاسٹ کیا۔ تفصیلات کے مطابق این اے 93 میں مسلم لیگ ن کی امیدوارسمیرا ملک اور ملک عمر اسلم اعوان میں سخت مقابلہ متوقع ہے اور اس کے علاقے گھگھ کلاں میں آج تک خواتین نے ووٹ کاسٹ نہیں کیاتھا لیکن پچیس جولائی کو
پہلی باراین اے 93 کے پولنگ سٹیشن 232 پر خواتین نے ووٹ کاسٹ کیا۔ووٹ کاسٹ کرنے والی خاتون آمنہ بی بی نے ووٹ کاسٹ کرنے پر خوشی کا اظہار کیا۔ذرائع کے مطابق دیربالا کی تاریخ میں پہلی بارخواتین ووٹ کاسٹ کرنے کیلئے اپنے گھروں سے باہر آئیں۔عام انتخابات 2018 میں حلقہ این اے 5 پی کے 12 پر خواتین ووٹرز کا پولنگ اسٹیشنوں پر رش رہا ، اس موقع پر گورنمنٹ پرائمری سکول نمبر 21 پر پہلا ووٹ کاسٹ کیا گیا۔
