اوکاڑہ،اسلام آباد(سی پی پی)حلقہ پی پی 184 اوکاڑہ میں قومی فریضہ نبھانے کے لئے آیا ووٹر حرکت قلب بندہونے سے جاں بحق ہو گیا۔پولیس کے مطابق پی پی 184 میں جاں بحق ہونے والے ووٹر کی شناخت ظفراقبال کے نام سے ہوئی ہے جو حرکت قلب اچانک بند ہو جانے سے جاں بحق ہو گیا۔واضح رہے کہ ملک بھر میں پولنگ کا عمل جاری ہے اورپاکستانی عوام قومی فریضہ سرانجام دینے میں مصروف ہیں۔
دریں اثناء ملک بھر کے ہزاروں صحافی اور ورکرز ووٹ ڈالنے سے محروم رہ گئے۔تفصیلات کے مطابق عام انتخابات 2018ء کے دوران اپنے فرائض منصبی کی ادائیگی کیلئے ملک بھر کے صحافی پولنگ اسٹیشنوں اور دفاتر میں کام کرتے رہے ۔انتخابات کے دن تمام صحافیوں کی چھٹیاں بھی منسوخ کردی گئیں جس کے باعث دور دراز کے شہروں ، دیہاتوں اور قصبوں سے تعلق رکھنے والے صحافی اور ورکرز اپنے علاقوں میں ووٹ کاسٹ نہ کرسکے ۔
