اسلام آباد(مانیٹرنگ ڈیسک)کل قومی و صوبائی اسمبلیوں کے الیکشن ہونے جارہے ہیں ۔تمام جماعتوں کی جانب سے گزشتہ رات 12 بجے انتخابی مہم ختم ہو چکی ہے ۔ایسے میں مختلف سرویز اور جائزوں نے تحریک انصاف کی جیت یقینی قرار دے دی، مختلف غیر سرکاری تنظیموں کی جانب سے کرائے گئے سرویز اور جائزوں میں تحریک انصاف کی پنجاب میں مقبولیت میں 75 فیصد اضافہ ہوا۔
وفاق میں حکومت بنانے کیلئے فیورٹ، خیبرپختونخواہ میں بھی پہلی مرتبہ کوئی جماعت مسلسل دوسری مرتبہ حکومت بنائے گی۔سرویز اور جائزہ رپورٹس گیلپ، پلس کنسلٹنٹ، روشن پاکستان، آئی او پی اور دیگر شامل کی جانب سے جاری کی گئیں۔ جبکہ ملکی اور غیر ملکی جریدوں کی بھی جائزہ رپورٹیں شائع کی گئی ہیں۔گزشتہ ایک ماہ کے دوران سامنے آنے والی رپورٹوں میں تحریک انصاف کو فیورٹ قرار دیا گیا ہے۔جبکہ پنجاب میں ن لیگ کی پوزیشن اب بھی قدرے بہتر ہے۔ رپورٹس میں کہا گیا ہے عمران خان وزارت عظمیٰ کی کرسی کے قریب سے قریب تر ہوتے جا رہے ہیں۔
